சொல்லாமல் கொள்ளாமல் கொல்லுதல்

⚫

தாய் தன் இடையில் 

அமர்த்தி

வைக்கப்பட்டிருந்த குழந்தையை காரணங்களேதுமற்று 

கீழே இறக்கி விட்டுச் செல்லும் 

நண்பகல் போல்

வாய்த்திருக்கிறது

எனக்கான வாழ்க்கை.

⚫

நீயில்லாமல்

எது நிம்மதி

நீதான் என்றும்

என் சன்னதி

என்ற வரிகளை

முந்திக்கொண்டு

வந்து விழுகிறது

உனக்கே உயிரானேன்

எந்நாளும் எனை நீ மறவாதே 

என்ற வரிகள்-

என் மேல் இரக்கம் காட்டாத

உன் காதல்

காணும்போதெல்லாம்...

⚫

என்னை அவ்வப்போது

வெறுக்கும் முன்

கொஞ்சம் நீயும் பரிசீலனை

செய்யலாம்தான்

எனக்குள் நம் காதல்

வாழ்ந்து வருகிறது என்பதையும்...

யாழ் தண்விகா 

❣️