மீண்டும்
அழைத்திருக்கலாம்
காத்திருந்தது
என் காதல்
❣️
கடவுள் எல்லாவற்றிற்கும்
ஒரு காரணம் வைத்திருப்பான்
என்றாய்
கடவுளை நம்புபவனில்லை நான்.
ஆனாலும்
நம்மைச் சந்திக்கச் செய்வதற்கு
காதல் என்னும் காரணம்
வைத்திருந்திருக்கிறாய் நீ
என நம்புகிறேன்.
❣️
பொய் சொன்னாலோ
யாரும் ஏமாற்றினாலோ
கண்ணீர் வந்துவிடுகிறது
என்றாய்.
நானோ
என் கவிதையோ
எப்போதும் ஏமாற்றுவதில்லை.
அப்புறம் ஏன் கண்ணீர்...
❣️
ஊரெல்லாம் திருவிழா
நம் ஊர்களில் திருவிழா இல்லை
என்று வருத்தப்படுகிறாய்
நாம் சந்திக்க வேண்டிய நேரம்
வந்துவிட்டது...
❣️
ஆயுசு நூறு என்றெல்லாம்
வரையறை எதற்கு?
அதற்கும் மேல் தான்.
எப்போதெல்லாம் என்னை நீ நினைப்பாயோ
எப்போதெல்லாம் உன்னை நான் நினைப்பேனோ
அப்போதெல்லாம்
உனக்கு நான் அழைப்பு விடுத்திருப்பேன்
எனக்கு நீ அழைப்பு விடுத்திருப்பாய்...
யாழ் தண்விகா
❣️
No comments:
Post a Comment