💜
தீராத காதலில்
தீராத போதை
நாம்...
💜
எல்லாம் பேசுகிறோம்
காதல் இன்னும்
மீதமிருக்கிறது
💜
முதல் சந்திப்பு
முதல் புன்னகை
முதலில் பார்த்த புடவை நிறம்
முதலில் பேசிய வார்த்தை
முதல் அன்பளிப்பு
முதல் ஸ்பரிசத் தீண்டல்
முதல் பிரிவு
மீண்டும்
அடுத்த சந்திப்பு...
மீண்டும்
அடுத்த பிரிவு...
அதே காதல்...
💜
பேசிக்கொண்டே இருப்பாய்
எது நீ
எது காதல்
எது காமம்
எது கவிதை...
என்னமோ செய்.
அனைத்தும் அழகு.
💜
முத்தம் கேட்டால்
அள்ளிக்கொள்ள
கைகள் நீட்டும்
தேவதை நீ...
💜
கடந்து செல்வாய்
என் உயிரை
உன்னோடு
அனுப்பி விடுவேன்...
நான் வைத்து
என்ன செய்யப் போகிறேன்...
💜
நமக்கான கதவு
நமக்கான தனிமை
நமக்கான நாம்
காதல் தேர்வின் வெற்றியைக்
காமம் கொண்டாடக் கொடுத்தல்
இதம்.
💜
என் காத்திருப்பினைத்
துவம்சம் செய்யும்
வல்லமையுடன்
தாமதமாக நீ வருவதற்கான
காதல் காரணம்
உன்னிடம் இருக்கத்தான் செய்கிறது...
💜
கருப்பு நிறத்திலும்
பூக்கள் அழகாகத்தான் இருக்கும்
என்றுணர்த்தினாய்
கருப்பு நிறப் புடவையில்
காட்சி தந்த தினம்...
💜
காதல் மின்மினிப் பூச்சி
காம மின்னல்
இரண்டும் நீதான்.
யாழ் தண்விகா
No comments:
Post a Comment