❣️
உயிரைக்
கொள்ளையிடும் அழகு நீ
❣️
உன்னோடு பயணித்த இடங்களை
தனித்து விட்டுவிட மனமில்லை
நினைவில் பயணிக்கிறோம்
மீண்டும் நாம்
❣️
கொஞ்சத் தூண்டும்
பப்ளி கன்னங்கள்
முத்தம் கன்னத்திலா
தலையணையிலா
என்ற சந்தேகம் தூண்டும்
❣️
உன் வாசத்தைச் சூடிக்கொண்ட
மரம் நான்
❣️
பேரழகி நீ
உன்மேல்
பெரும் பித்தனாக நான்
❣️
என் சாம்ராஜ்யம் நீ தான்
அங்கு அடிமை என்பதும்
அருந்தவப் பயன்
❣️
கை வைத்துப் பார்க்கிறேன்
இரு மார்பின் மத்தியிலும்
உன் குரலில் பேசுகிறது
என் இதயம்.
❣️
உன்னால் நாம் பார்க்கப்படுதல்
என் வரம்.
நீ பார்க்கவேண்டும் என்பது
என் தவம்.
❣️
என்னைத் திட்டணும்
என்னை இன்னும் இன்னும் கொஞ்சணும்
என்பதற்காகவே கேட்பேன்
ப்பா...
என்னைப் பிடிக்கும்ல...
❤️
யாழ் தண்விகா
No comments:
Post a Comment